Inside Job

Technorati 的標籤：經濟

 

清明放假冇野做，走去睇左套戲，戲名叫’呃錢帝國’(Inside Job)，值得向大家推介。

呢套戲贏左今屆奧斯卡最佳紀錄片，全片詳細解構08金融海嘯的來龍去脈，由冰島開始，如何演變成美國次按危機，最後令到雷曼、貝爾斯登及AIG得大機構相繼破產倒下，以至引發金融海嘯。

高盛、大摩、美林、JP Morgan等大型投行，如何改變政府立場，大幅修例金融條例使他們合法地搶奪我們的血汗錢，令他們的資產由幾十億美元暴漲到過千億美元。

除官商勾結外，同謀者還有我們信到十足的評級機構，原來所有評級都是金錢掛帥，只要願意付出(俾錢！)，甚麼評級都可以發給你，冰島同雷曼破產前就仍然是AAA評級！以後見到S&P、Moody或Fitch再調低愛爾蘭評級，唔駛太緊張，只不過係愛爾蘭唔願意俾錢呢三間偽評級機構！

但最令我覺得恐怖的，是同謀者竟然包括哈佛同哥倫比亞等一級學府的教授同校長，佢地同樣在收受利益後，便對那些垃圾債卷，發出安全指引，還極力推介說這些洐生工具有利金融業發展云云！

片中訪問不少猛人，如哈佛教授、80年代聯儲局主席Paul Volcker、中國銀監顧問沈聯濤，連超級大鱷索羅斯都接受訪問，最低死係連佢老人家都唔識乜野係Credit Default Swap(CDO)。

片中詳盡地解釋投行如何把有問題樓按，包裝成CDO來套利賺大錢，投行高層賺錢後如何揮霍，買天價豪宅，私人飛機等，雷曼CEO就擁有6架私人飛機，其中一架係767，極之誇張。

呢套戲同宋鴻兵本”貨幣戰爭”如出一撤，同樣都係指出世界係由一班貪得無厭的銀行家操控，無論你點努力，到最後你的錢都會俾呢班大鱷，利用種種唔同方法食晒，其實都幾悲哀！